Kurtzebarri Eskolako Gurabarri guraso elkarteak bihar ospatuko du Gurabarri Jaia. 16:30ean hasita Herriko Plazan elkartuko dira jaia ospatzeko, eta, Kalakaren eskutik, 4 urtetik gorako haurrentzat egurrezko jolasak jarriko dituzte. 17:30ean, HHko ikasleentzat Vanessa Gonzalez ipuin kontalaria egongo da eskolako aretoan. Horrez gain, 18:00etan, erromeria izango da.
Domekarako, berriz, lagunartean egiteko mendi ibilaldia antolatu dute. 10:00etan elkartuko dira aurrez izena eman zuten kide guztiak, eta Bedoñara joango dira elkarrekin. Ostean, Bedoñako elkartean mokadutxo bat hartzeko aprobetxatuko dute.