Maiatzaren 9an, zapatua, saridunak Arkupeko agertokira igoko dira euren argazki-proiektua ezagutzera ematera, eta haien lana ikusgarri egongo da maiatzean zehar Arkupe Kultur Etxeko erakusketa aretoan. Topaketa 10:30ean hasiko da aurkezpen ofizialarekin, eta 19:00etan sari banakearekin amaituko da. Egunean zehar, saridunen aurkezpenak eta Gustavo Bravo komisarioak azaldutako erakusketa kolektibora bisita gidatua izango dira.
Urtero bezala, zortzi irabazle izan dira. Batetik, euskal lurraldeetako irabazle bana: Estitxu Ortolaiz, Matriarkado, (Gipuzkoa); Ivan Martin, Dark: el sacamantecas, (Araba); Aitziber Abasolo Zorrotzaurre (Bizkaia); Carmenchu Aleman, San Fermin 2001, (Nafarroa); Marc Gasso, Mugalari, (Lapurdi); Pierre Balacey, Ahadi, (Nafarroa Beherea) eta Cristophe de Prada, Pilota, (Zuberoa). Bestetik, Aretxabaletakoa. Aurten, Angel Ayastuik eraman du herriko argazki onenaren saria, Ointxapeldunak lanarekin.