Burutik taldeak kontzertua joko du egubakoitzean, apirilak 17, 22:30ean hasita, Karmele Igartua aretoan. 2020an sortu zen taldea, Iruñerrian, eta, bi gitarrarekin, baxuarekin, bateriarekin eta akordeoiarekin oinarritu eta elektronika kutsu bat gehituta, pop-rock doinuak lantzen dituzte. Iaz urrian argitaratu zuen Nafarroako taldeak sorreratik ekoiztu duen bigarren lan luzea, Ipuinak izenpean. Harrezkero, Euskal Herriko hainbat txokotan izan dira diskoaren aurkezpen bira dela eta –baita Debagoienean ere–, eta Aretxabaletan egingo dute hurrengo geldialdia. Disko berri horren biran –eta baita 2025ean jotako kontzertuetan ere– Naroa Goñi izango da Nafarroako taldearen abeslaria, Luar Alberd taldekide ohiaren lekukoa hartuta.
Sarrerak dagoeneko salgai daude, Aretxabaletako Udalaren webgunean, sei eurotan.
