Azpimarratzekoa da zuzendaritza berritzeko erabakia, eta, horren ondorioz, batzordekide kopurua 11tik 12ra pasatuko da, elkartearen antolaketa indartzea helburu izanda. "Proposamena egin dugu, batzordeak hobeto funtziona dezan. Urtero, lau lagun irtengo dira batzordetik eta lau lagun berri sartu. Hala, hiru urtean dena berrituko da", adierazi du Jokin Antxiak, Basotxoko presidenteak. Batzordetik Juan Tomas Zabala, Juan Cruz Diaz eta Mari Carmen Corres irten dira, eta, batzar orokorrean egindako bozketaren arabera, berriz, Antonio Romero, Arantza Lopez de Armentia, Iñaki Iturri eta Maribel Alvarez izango dira Basotxoko kide berriak.
Horretaz gain, jarduera-plan sendoa ere aurkeztu dute: "Instalazioetara egokitzen ari gara; apirilaren 15ean, gimnasia Ibarra kiroldegian egitetik Karmele Igartua aretoan egitera pasako gara, proba moduan".