Goazen! telesaila gai hartuta prestatuko dituzte hiru egunetako jarduerak, eta Aretxabaletaren gaineko kontuak eta bitxikeriak landu umeekin.
Izena emateko epea dagoeneko ireki dute eta martxoaren 23a arte egongo da zabalik. Horretarako, formulategi bat bete behar da eta prezioa da 50 euro euskara elkarteko bazkideentzat eta 60 euro, bazkide ez direnendako.
Aurrez aurre izena emateko Loramenditik pasatu behar dute interesatuek, martitzenetan eta ostegunetan, 15:00etatik 18:00etara. Horretarako azken eguna martxoaren 23a da.