Naturopata eta sendabelar kontuetan aditua den Urbietak urteak daramatza garbitasun produktuak egiten etxean, eta horiek zelan egin irakatsiko du bi lan saiotan.
Martxoaren 16an, astelehenean, erabilitako olioarekin xaboi birziklatua egiten ikasiko dute saiora doazenek. Eta hilaren 23an arropa garbitzeko hainbat produktu ekologiko nola egin ikastaroa egingo du. Biak dira Arkupen, 18:00etatik 20:00etara.
Izena aldez aurretik eman behar da Arkupe kultur etxean 5 euro ordainduta; eta horretarako azken eguna hilaren 12a da.