Oihana Arana, Xabi Igoa, Ibai Alberdi eta Oihane Perea elkartuko dira Hibai Gain elkarteko mahaiaren bueltan bertsotan egin eta afaltzeko. Martxoaren 13an, egubakoitza, izango da, 21:30ean. Izena emateko epea zabalik dago.
Loramendi euskara elkarteak, Ixotu taldeak eta Lekaixoka bertso eskolak antolatu dute ekimena. Txartelak Urbaltz tabernan eta Loramendin dituzte salgai –20 eurotan eta langabe eta bazkideek, 17 eurotan– hilaren 9a arte.
Afariaren aurretik bertsotan jardungo dute herriko hainbat gunetan: 19:00etan abiatuko dira, Uratz Alde elkartetik.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.