Merkealdien azoka egingo dute Aretxarte merkatarien elkarteko kideek martxoaren 6an, egubakoitzean. Zortzi dendak jarriko dituzte postuak Karmele Igartua aretoan eta 10:00etatik 20:00etara izango ditu ateak zabalik.
Hona hemen elkartuko diren dendak: Begiondo, Mimatu, Almila Shop, Nai arkitektura, Asensio, Xamur, Kilima eta Movil Zona.
Udazken-negu sasoiko arropak, osagarriak eta beste hainbat produktu izango dituzte herritarren eskura, merke-merke.
Gainera, 30 euroko erosketak eginez gero pintxo-potea debalde hartu ahal izango dute erosleek Express tabernan –agortu arte–. Horrez gain, saski baten zozketan parte hartuko dute bezeroek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.