Udaletik adierazi dutenez mugikortasun planaren irizpideak jarraituz eta azken urteetan jasotako hainbat kexari erantzunez moldatu dute oinezkoendako pasabidea: "Lan horiekin lortu gura dena da Txarapeatik jaisten den bidearen ardatza banatzea, ibilgailuen abiadura nabarmen murrizteko".
Aldaketa hau "hirigintza taktikoaren irizpideei jarraituz" egingo dela gaineratu dute: "Hau da, margotuta eta piboteen bidez egingo da, bere eraginkortasuna probatzeko". Egokia dela egiaztatuz gero, etorkizunean behin betiko obra bat egitea aztertuko dute.
Margotze lan horiek martxoaren 3 eta 4 artean egingo dituzte, eta amaitutakoan zabalduko dute autoendako bidea Txarapeara edo Apotzaga aldera joateko.