Oihana Aranak, Haizea Aranak, Larraitz Trojaolak, Ane Zuazubiskarrek eta Olatz Zuazubiskarrek osatzen duten Leintz taldeak eskuratu zuen aurreko astean, beragaran, finalerako txartela eta gaur, Aretxabaletan izan den kanporaketan, Uxue Igartuak, Lide Arregik, Maider Arregik, Mirari Sagarzazuk eta Nerea Etxezarretak osatzen duten Oñatiko Mikaela Mentu boskoteak; martxoaren 14ean jokatuko dute finala, Antzuolako gaztetxean.
Mikaela Mentu-rekin batera, bertso eskola bereko Tutelatraku –Gontzal Belategi, Aritz Irigoien, Urko Arregi, Aritz Iza eta Enaitz Ibabe– eta Antzuolako Kale edo Bale –Josue Madariaga, Txomin Alberdi, Alazne Jauregi, Jon Mata eta Aritz Kortabarria– izan dira lehian.
Giro onean ibili dira bertsolariak kantuan eta une batzuetan dantzan ere bai, askotariko gaien bueltan. Harrera ona egin die publikoak, 70 lagunetik gora inguru batu dira eta gozatua hartu dute Aretxabaletako Karmele Igartua aretoan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.