Chillida Lekuko Zabalaga baserriaren oroimena aztertzen dute Amimona dantza ikuskizuneko bi dantzariek. Horrela azaldu du Ane Zelaia zuzendari eta dantzariak. Iraganeko oihartzunak sumatzen zaizkio proposamenari; jantzietan eta mugimenduetan, batez ere. "Kontatu gabeko istorioa asko" daude performance horretan, egilearen esanetan.
Landa-eremuarekin lotutako eguneroko lanak gogora ekartzen dituzten keinu pausatu eta errepikakorrekin hasten da performancea. Pixkanaka, interpreteak eraldatu egiten dira, geruza fisikoak eta emozionalak kenduta, tentsio- eta askapen-egoerak agerian uzteko.