Egindako konponketa horri esker berriz berreskuratu dela spa eta igerilekuak berotzeko ahalmena adierazi dute: "Azken aldian kanpoko hotzaren ondorioz eta sistemaren gaitasuna galduta zegoelako zailtasunak zeuden kiroldegian berotasuna mantentzeko. Egoera horrek arazoak sortzen zituen instalazioetako tenperatura egoki mantentzeko. Egindako konponketari esker, igerileku guztiak eta spa gunea tenperatura egokian daude”.
Lan horrek 48.000 euroko kostua izan duela jakinarazi dute eta gaineratu hobekuntzak eta inbertsioak egiten jarraitzeko asmoa dutela kiroldegian: “Aurten, gainera, aurrera eramango da Ederlan lantegiko bero sistema aprobetxatzeko inbertsioa. Proiektu honen bidez, bestela galduko litzatekeen energia aprobetxatuko da kiroldegia berotzeko, energia-ikuspegitik eraginkortasuna handituz”.