Atzo, martitzena, hasi zen entrenatzen Ibarran eta gogotsu agertu zen, "erronka berriari heltzeko prest".
Aretxabaleta kirol elkartea zerbait ezagutzen duela adierazi zuen, hainbatetan jokatu izan duelako UDAko kategoria ezberdinetako taldeen aurka. "Partidu onak egin izan ditut hemen. Eta UDAko jokalariren bat edo beste ere ezagutzen dut".
Harrera beroa egin diotela aitortu du: "Talde batua dela esana zidaten, asko babesten duena, eta halaxe izan da hasiera-hasieratik; hortaz, lanari ekiteko oso gogotsu nago".
Zelako jokalaria den galdetuta hiru ezaugarri nabarmendu ditu: indartsua, bizkorra, eta trebea.