Zaraia aretoko oholtzan izango da Antton Telleria tolosarra hilaren 31n. Ninini bakarrizketa umoretsua egingo du eta emanaldirako sarrerak di-da agortu direla ikusirik bigarren emanaldi bat antolatu du Udaleko Kultura Sailak. Egun berean, 21:00etan, izango da bigarren hori eta sarrerak urtarrilaren 19an, astelehenean jarriko dituzte salgai. Sarrera –6 euro– online hartu ahal izango da edo Arkupeko leihatilan.
Telleriaren bigarren komedia ikuskizuna da. Nekatutak bakarrizketak izandako arrakastaren ostean, eszenatokietara bueltatzea erabaki du. Ninini egolatriari eginiko oda bat dela adierazi du egileak, bere buruaz hitz egiten duelako etengabe; baina "zintzotasun ariketa" bat ere badela dio: " Ikuskizun honetan Antton biluztu egingo da". Hitz egingo du bere buruarekin duen harremanaz, bere izenaz, bere bikotekideaz, komikoa izateaz eta beste hainbat konturen gainean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.