Urrian egindako osoko bilkuran onartu zuen Aretxabaletako udalbatzak kiroldegiko prezioak %2,9 igotzea –KPIren eguneraketa– 2026ean. Hemen prezio berrien taula.
Egutegiari dagokionez jakinarazi dute ez duela apenas aldaketarik izango iazkoarekin alderatuta; 345 egunez eta 4.114 orduz emango du zerbitzua 2026an: egutegia hemen.
Mugiment txartelera batzea onartuta
Bestetik, udalbatzak azaroan onartu zuen Mugiment txartelarekin bat egitea, eta ordutik, Jaurlaritzaren zain dago, hori aktibatzeko. Behin hori eginda, abonatuek ekimenera batuta dauden 195 kirol instalaziotara jo ahal izango dute –kiroldegiak, frontoiak eta igerilekuak barne– gastu gehigarririk gabe.
Eusko Jaurlaritzak, Bizkaiko Foru Aldundiak eta Gipuzkoako Foru Aldundiak sustatutako proiektua da, atxikitako 111 udalerri ingururekin batera.