Aurten 90 urte bete dituzten bazkideak omendu ditu Basotxok

Ohiturari jarraituz, aurten 90 urte bete dituzten 19 bazkide omendu ditu Basotxo jubilatuen elkarteak Karmele Igartua aretoan egin den ekitaldiarekin. Omendu bakoitzaren biografia errepasatu dute antolatzaileek eta ostean, jaso dituzte oroigarriak. Dantzariek eta Aretxabaletako txistulariek ere hartu dute parte omenaldian. Aretxabaletako alkate Gari Iturbek bere hitzartzean, besteak beste, eskerrak eman dizkiete 90 urtetan Aretxabaleta eraikitzeagatik eta ekarpenak egiteagatik.