"Maiatzean egindako Dantza Astean egon ginen lehenengoz, eta bizitako esperientzia asko gustatu zitzaigun. Oso topaketa alaia izan zen eta dantza egiteaz gain berriketan ere egin genuen haiekin; euren bizipenak eta zaletasunak ezagutzeko aukera izan genuen. Oso ekimen polita izan zen; gainera, dantza topaketak erraztu egin zigun, ondoren, kalean GSRko lagun horiekin topo egitean agurtzea eta kontu kontari jardutea", azaldu dute Jaiki elkarteko kideek eta hain zuzen horregatik, errepikatzea erabaki dute.
Egoiliarrekin ordubetez, 17:15etik 18:15era, dantzan egitea da martitzeneko topaketaren asmoa: "Haiek prestatuko dute abestien zerrenda euren gustuko doinuekin –boleroak, rantxerak…– eta Jaikikook ere eroango ditugu proposamen batzuk". Herritarrak ere gonbidatu dituzte parte hartzera.