Finala irabazi zuen Asola Berri taldeko Bittor Rodriguezek sei txirlorekin eta seigarren postuan geratu zen UDAko Isana Gorosabel, bost txirlo botata.
Txapelketako sailkapen orokorrean Jose Antonio Nuñez (San Andres taldea) izan zen txapelduna, 30 txirlorekin.
Emakumeen sailkapenean Isana Gorosabel eskoriatzarrak eskuratu zuen lehen postua (17 txirlo) eta Nerea Lete aretxabaletarrak bigarrena (12 txirlo), biak UDAkoak. Eta infantilen artean UDAko Axel Sixto izan zen txapelduna.
Taldeen sailkapenari dagokionez, UDA A taldea bigarren postuan geratu zen (76 txirlo) MX3T A taldearen atzetik.
Arabako bolaririk onena ere UDA taldekoa izan zen; Jesus Agirre aramaioarra, hain zuzen ere (14 txirlo).