Aretxabaletako Azbeko autobus geltoki inguruan sasoi baten tren geltokia egon zen. Izan ere, Lizarra eta Bergara lotzen zituen Vasco-Navarro trenbidea Aretxabaletatik ere igarotzen zen. Trenbide horren aztarnarik gorde ez duen Debagoieneko herri bakarra da Aretxabaleta, eta herritarren oroimenean gal ez dadin atril oroigarri bat jarri dute geltokia
egon zen gunean.
Atril horretan jaso den informazioa Aitor Antxia Leturia aretxabaletarrak prestatu du. Eta ibilbidearekin batera batu ditu hainbat bitxikeria eta istorioren bat edo beste. Trenak 1967an egin zuen azken bidaia trenbide horretatik.
Gaur egun Vasco-Navarro Bide Berdea da eta Debagoieneko "industria eta natura ondareaz gozatzeko aukera" ematen du. Debagoieneko Mankomunitateko Turismo sailak kudeatu du ekimen hau, Aretxabaletako Udalekin batera.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.