Aretxarte merkatarien elkartea hasi da Gabonetako iragarkia prestatzen. Kepa Errasti aktore eta gidoigile ezaguna izango dute bidelagun, beste behin, eta iragarki horren zati bat herritarrekin grabatu gura dute. Horretarako, domekan, azaroaren 16an, elkartuko dira Mitarte kalean, 12:00etan.
Mitarte kalearen hasieran –Aretxabaleta okindegiko aldapan– ekingo diote grabaketari eta korrikaldi bat egitea da asmoa Durana kalerantz. "Korrika antzeko zerbait izango da eta ahal den herritar gehien batu gura dugu, irudi potente bat erakusteko", adierazi du Errastik sare sozialen bidez, eta gaineratu: "Adineko, ume, gazte… edonork parte hartu ahal izango du; aretxabaletarrak zaretenok eta ez zaretenok ere bai, interesa izanez gero, etorri".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.