2026ko ekainean egingo dute Azkena Rock musika jaialdia Gasteizen, baina lehen bakarlari eta taldeen berri ematen hasiak dira antolatzaileak, eta tartean da Aretxabaletako Nhil taldea. Hain zuzen ere, irailean aurkeztu zuen Etxea izeneko hirugarren lana, Aretxabaletan, zazpi abestirekin osatutakoa, eta kontzertuak egiten dihardute ordutik; esate baterako, Oñatiko Antixena gaztetxea izango dira azaroaren 16an, Burrunda faktoriak antolatuta, 18:00etan.
24. aldia du jaialdiak, eta Mendizabalan egingo da, ohi bezala. Nhil-ekin batera beste hainbat musikari igoko dira oholtza gainera: Alice Cooper, Social Distortion, Evaristo, Jason Isbell and The 400 Unit, Imelda May, Old Crow Medicine Show, Sleaford Mods, Sugar, The Adicts, Circle Jerks, Corrosion of Conformity, The Damn Truth, The del Fuegos, Discharge, Rodeo, Tropical Fuck Storm, Split Dogs, Starbenders, Therapy? eta Voivod.