Aretxabaletako sarreran dagoen trialsin gunean bost gune zehaztuko dituzte antolatzaileek, zailtasuna ezberdinekin. Parte-hartzaileek bitan burutu beharko dute, ahalik eta puntu gehien lortzeko. Ibilbidea egiten duten bitartean epaile bat izango dute alboan, ongi eta gaizki egindakoak apuntatzeko. Bereziki, akatsak hartzen dira kontuan halakoetan.
Bizikleta gainean gainean ibiliko direnen artean daude Oztopo Trialsin Klubeko kide Mikel eta Alvaro Jimenez anaiak. Mendaroarrak dira, baina Aretxabaletako klubean dihardute. Julen Arenaza arrasatearrak ere parte hartuko du.
Penintsula osotik datozen pilotuak ere espero dituzte; eta horien artean daude Munduko eta Europako txapeldunak: 2024ko Munduko Txapeldun Alba Riera; 2024ko Europako txapeldun Vera Baron; 2024an junior mailako Munduko Txapeldun Travis Asenjo; Munduko txapelketetako podiumean egondako Julen Saenz eta Dani Baron; eta Munduko txapelketa hamar aldiz irabazi duen Benito Ros. "Saudi Arabian jokatuko den Munduko Txapelketa prestatzera dator Riera, Barondarrak, Asenjo eta Saenz. Azaroaren 4tik 8ra izango da", azpimarratu du Muruak.