Martin Kabarrixai ongi-etorria emanda hasi zituzten jaiak, eta bertan selfia ateratzeko eskaera egin zieten auzotarrei. Ikazkin Trail proba ere izan zen zapatuan, eta Areantzati pasatzen zen 82. parte-hartzaileari (Olatz Salaberria, 207 dortsala) Arientza saria eman zioten; hau da, etxeko produktuen saski ederra –82.nari saria, iaz, auzo-afarian 82 lagun batu zirelako da–. Horrekin batera, trikitilariek ere ez dute hutsik egin asteburu osoan zehar, eta, kanpai-hotsak ere ez dira falta izan, umore onaz gain, besteak beste. Auzotarren argazki-bilduma osatzen ere ari dira, eta, bildumarako auzotarren argazki erraldoia ateratzeko tartea ere hartu zuten.