Durana kalean 10:00etan hasita, antzinako tomate barietateen erakusketa izango da; 11:00etan, tomate haziak erauzteko tailerra, Marc Badalen eskutik; eta 12:00etan, tomate sukaldaritza tailerra eta dastaketa, Anne Otegiren eskutik. Eguerdian, 13:30ean egingo da tomate lehiaketaren sari banaketa ekitaldia.
Egitaraua
- 10:00-14:00. Antzinako tomate barietateen erakusketa.
- 11:00. Tomate haziak erauzteko tailerra Marc Badalen eskutik.
- 12:00. Tomate sukaldaritza tailerra eta dastaketa Anne Otegiren eskutik.
- 13:30. Tomate lehiaketaren sari banaketa ekitaldia.
Zapatuan, tomatearen ibilbidea
Domekarako motorrak berotzeko, zapatuan Aretxabaletako tomatearekin egindako pintxo-ibilbidea egingo da herriko bederatzi tabernatan, 10:00etan hasita. Hauek hartuko dute parte: Orly, Haizea, Atseden, Bedarreta, Bagda, Akaitegi Exprex, Gurea, Hirusta eta Taberna Berri.