UDAko Hirugarren Mailako futbol taldea gertu ligari ekiteko

Mirari Altube Arrese 2025ko abu. 29a, 09:35

Lagunarteko partiduekin ari da prestatzen 2025-2026 denboraldia Hirugarren Mailan diharduen UDAko taldea. 

Aurpegi berri asko ikusiko dituzte zaleek aurten, Ibarran. Izan ere, iazko denboraldiko hainbat jokalarik taldea utzi egin dute eta beste hainbat iritsi dira horien hutsunea betetzeko.

Hona hemen taldeko jokalariak: Urko Mugerza, Joseba Orbegozo, Xabi Armentia, Unax Sanchez, Jon Beras, Unax Zangitu, Ibon Perez de Labeaga, Eñaut Zumarraga, Ander Pacheco, Lucas Felipe Gomes, Ibai Lasagabaster, Urreta, Iker Arriolabengoa, Unai Cebrino, Jagoba, Josu Aizpurua, Unai Beloki, Iker Salamanca, Markel Arosa, Eneko Garcia, Aimar Madina, Manex Ibarrondo, Endika Saez de Egiluz (atezaina), Ekain Ugalde eta Oxel Artolazabal.

Horiez gain, Urko Erañak, Iker Zubillagak, Ander Sestok, Jakes Sarabiak eta Mikel Roldanek denboraldiaurrea lehen taldearekin egin dute, baina Preferenteko fitxa izanda.

Kapitainak izango dira: Xabi Armentia, Unai Beloki, Josu Aizpurua eta Ibai Lasagabaster.

Lau kapitainak.

Unai Calzonek jarraituko du entrenatzailea izaten eta alboan izango ditu honako hauek: Dabid Enekotegi (bigarren entrenatzailea); Beñat Etxabe (analista eta prestatzaile fisikoa); Andoni Etxagibel (atezainen prestatzailea); Jokin Lasagabaster (fisioterapeuta); eta Jose Ramon Gordoa (delegatua).

Lagunarteko partidua zapatuan

Denboraldia gertatzeko lagunarteko partiduak jokatzen dihardu egunotan. Joan den eguaztenean, taldea aurkeztu zuen egunean, Eibar C hartu zuen etxean; zale asko elkartu ziren Ibarran baina ezin izan zien garaipenik eskaini eta 0-1 galdu zuen. 

Lagunarteko azken partidua zapatuan, abuztuaren 30ean, jokatuko du; hau ere Ibarran izango da, 12:30ean, eta Durango izango du aurkari. Partidua hasi aurretik Javier Etxeberria Uribesalgo Fito izango dute gogoan; uztailean hil zen UDAko kide izandakoa eta egindako lan guztiagatik aitortza egin gura diote. 

2025-2026 ligari, ostera, irailaren 7ko asteburuan ekingo diote. Zarautzen aurka jokatuko du lehenengo partidua, Asti futbol zelaian. Etxeko lehenengo partidua Durangoren aurkakoa izango da, irailaren 14ko asteburuan.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak