"Nabarmen hobetu nahi da eremu eta kale batzuen egoera txarra", adierazi dute Udal Gobernuko kideek. Lanak urrian hasi eta urte amaierarako bukatzea da asmoa.
Hona hemen asfaltatuko dituzten eremuak:
- Basabe industrialdea: 149.146 euro. Errodadura-eremua asfaltatuko da Basabe baserritik Copreciko bulegoak igaro arte.
- Araba ibilbidea: 44.192 euro. Egoera txarrean dauden guneak konpondu eta margotu egingo dituzte. Era berean, mugikortasun-plan berriaren gidalerro berriak txertatzen saiatuko dira.
- Belorrieta eta Zaraia arteko kalea: 55.094 euro. Loramendiko biribilgunearen eta Araba ibilbidearen arteko kale zatia egoera txarrean dago, eta hondoratutako eremuak konponduko dituzte.
- Belorrieta ingurua –Pausoka aurrealdea–: 114.238 euro. Asfaltatu egingo da egoera txarrean dauden eremuak konpontzeko, aparkalekuen eremua barne.
- Bedarreta auzoa: 40.450 euro. Ibaiaren alboan dagoen kalea erabat asfaltatuko da, eta ondoko kaleetan konponketa txiki batzuk egingo dira.
- Agarre baserrira eta Otalazelaiko bidera doan errepidea: 74.065 euro. Konpondu eta asfaltatu egingo da.
- Askotixa baserritik Etxezurira: 214.574 euro. Errepidea konponduko da, arekak barne. Horretarako, Foru Aldundiak 35.000 euroko dirulaguntza eman du.
Horiez gain, zebra-bide batzuk oso ezabatuta daudelako edo berriak sortuko direlako beste eremu batzuk margotuko dituzte.