Uda sasoiko produktuak eta bestelako hainbat jarri dituzte herritarren eskura Aretxarte elkarteko hainbat merkatarik prezio merkean, gaur, eguaztena. Durana kalean elkartu dira eta eguraldia lagun herritar asko gerturatu zaie.
Bederatzi merkatari elkartu dira: Asensio, Kilima, Belar Meta, Kiloka, Mari Merke, Hankabeltz, Tak, Almila Shop eta Movil Zona. Eta postuetan izan dituzte arropak, oinetakoak eta osagarriak, baita jatekoa eta edatekoa ere, eta beste hainbat produktu. Uda sasoiko denboraldiari bukaera borobila eman gura izan diote horrela, opor egunak iritsi aurretik.
Arratsalde partean puzgarriak jarri dituzte neska-mutikoendako eta orduan inguru guztia bete egin da, giro ezin politagoa sortuz Durana kalean.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.