Gero eta gutxiago geratzen da Portasol auzoko jaiei ekiteko eta hango bizilagunak gogotsu daude. Jaietako zapiak dagoeneko salgai dituzte, hiru euroren truke, honako auzoko tabernetan eta hainbat dendatan: Txiki, Dorleta, Aretz, Ibarra, Eguzki, Atseden, Zaraia, Okindegia eta Imanol harategia.
Egitarau bete-betea gertatu dute lau egunetarako; hemen:
Uztailak 17, eguena
- 18:00 Ur-jolasak, kiroldegi parean.
- 19:00 Pintxo-potea, auzoko tabernetan.
- 19:30 Kontzertu akustikoak: Oier eta Aratz; Danel Sarasua; eta Glutenbakuak.
- Ondoren, radarraren kontrako II. lasterketa.
Uztailak 18, egubakoitza
- 18:30 Gaiteroak, buruhandiak eta erraldoia.
- 18:30-23:00 VIII. Artisauen azoka, Atseden taberna parean.
- 19:00 Patata-tortilla txapelketa.
- 19:00 Txupinazoa, txosnagunean.
- 19:30 Kontzertua: Emeki taldea.
- 22:00 Itzal eta musika esperimentazio gunea Jaiki elkarteak antolatuta, Loramendi kalean.
- 21:30 Kontzertuak: Sun's Door, Lee-Kore eta 721.
- Ondoren, DJ Maikel Night.
Uztailak 19, zapatua
- 11:00 Lasterketa gazteentzat, Bizkaia kalean.
- 12:00 Arku-tiraketa erakustaldia, kiroldegiaren aurrealdean.
- 12:00-14:00 Puzgarriak. 15:00 Bazkaria; txartelak auzoko tabernetan, 11 euroren truke.
- 16:00 Mus txapelketa, Eguzkialde elkartean.
- 19:00 Kontzertua: Zerendepya taldea. Dagda tabernaren aurrealdean. Arratsaldean, DJak eta Kontzertuak auzoko tabernetan.
- 21:30 Kontzertuak: Bixentak, Kaparrak eta Rebel Noise.
- Ondoren, DJ Karapaixo.
Uztailak 20, domeka
- 13:00 Paella lehiaketa, txosnagunean.
- 19:00 Tio Teronen Semeak taldearen Haurreskolari ikuskizuna, Belorrietako plazan.
- 19:30 Nagusientzako dantzaldia mariatxiekin, auzoko tabernetan.
Egitarauan zehaztutakoaz gain tekno emanaldiak ere egongo dira, auzoko hainbat tabernaren inguruan.
