Udaletik jakinarazi dute ekimen horren helburua dela gazteei aisialdi osasuntsu eta parte-hartzailea eskaintzea udan, eta horretarako sustatuko dituzte sormena, elkarbizitza eta taldeko lana: "Adierazpen artistikoa, pentsamendu kritikoa eta talde-lana landuko da, betiere giro seguruan eta atseginean".
Kale-hezitzaileek izango dute ekimenaren ardura eta "dinamika dibertigarriak" egingo dituzte: "Gazteek beraien espazioa izan dezaten nahi dugu: adierazteko, partekatzeko eta ondo pasatzeko".
Jarduera doakoa da eta ez dago aldez aurretik izenik eman beharrik. Informazio gehiago gura izanez gero, Aretxabaletako kale-hezitzaileengan jo daiteke: zerbitzupsikosoziala.lorratz@gmail.com