Loramendi euskara elkarteak batzar orokorra deitu du eguaztenerako; udaletxe zaharrean izango da, 18:30ean. Bazkideak bertara gonbidatu ditu azken urteko jardunaren zein aurrera begirakoen berri bertatik bertara jasotzeko.
2024ko jardueren memoriaren berri emango dute, proiektuak eta diru-kontuak azalduta. Ondoren, hausnarketa saio txiki bat egitea da asmoa Elkartea berrasmatzen leloarekin; bazkideekin batera norantz jo eta zelan zertzelada batzuk jasotzeko. Eta gero, 2025erako plangintza eta aurrekontuak aurkeztuko dituzte.
Bukatzeko, zuzendaritza batzordea osatzen duten hainbat kidek agurra esango dute eta berriak izendatuko dituzte.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.