Hona hemen Udaletik adierazi dutena:
"Kezkatuta gaude azken boladan herrian izan diren hainbat gertakariren inguruan. Gure ustez, elkarbizitza eta errespetua urratzen dituzten hainbat gertakari izan dira.
Ekintza horietako bat, aspalditxoan errepikatzen ari da eta asko arduratzen gaitu egon daitezkeen konnotazio ezberdinengatik. Durana eta Mitarte kalean dagoen bazar batean, nerabeak ohitura bezala hartu dute bertako langilea xaxatu eta gauzak lapurtzen sartzea. Horietako momentu batzuetan, oso egoera oldarkorrak ere egon dira. Konnotazio arrazista izan dezaketen jarrera hauek ezin direla onartu uste dugu.
Aretxabaletak ezin ditu jarrera hauek normalizatzen utzi eta Udala gaian esku hartzen ari da. Hala ere, komunitate osoari dagokigu hauek berriz ez gertatzeko neurriak hartu eta jarrera aktiboak hartzea".