Bigarren partidu bat ere jokatu zen egubakoitzean Iturrigorri pilotalekuan, jubenilen mailakoa hau. Getariako Gure Txeru elkarteko Ayestaranek irabazi zuen hori Behar Zanako Larrarte 22-14 garaituta.
Antolatzaileak pozik ziren jende asko pilatu zelako pilotalekuan partiduak gertutik jarraitzeko.
Deba Arrokoan jubenilak txapeldun
Bestetik, Deba Arroko Pilota Txapelketako finalak jokatu zituzten Eibarko Astelenan, domeka goizean. Jubeniletan, Aretxabaletako eta Bergarako bikoteak jardun zuen nor baino nor gehiago, eta partidu gogorra jokatuta, UDAko Xabat Otazu eta Unax Gonzalez izan ziren txapeldunak 22-20 mendean hartuta bergararrak.