Tarragonako Montferri herriko 30en bat lagunen bisita jaso dute Urbaltz elkarteko kideek, eta asteburu ezin borobilagoa pasatu dute elkarren arrimuan. Aisialdiak eta jai-giroak bat eginik, elkarren arteko harremanak estutu dituzte, seigarrenez antolatutako elkartrukean.
Egubakoitz gauean iritsi ziren kataluniarrak eta orduan ekin zieten jai-giroko asteburuari; izan ere, Urbaltzen 40. urteurrena ere ospatu dute.
Txalaparta ikastaroa eta Arantzazura irteera egin zituzten, bola-txapelketa jokatu ere bai eta elkarrekin bazkaldu. "Antolatutako guztia ondo joan da", adierazi dute antolatzaileek "pozik".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.