Aretxabaletako kirol klubaren eguna hasteko, 10:00etan, Ibarra futbol zelaian futbol eskolako neska mutikoak elkartuko dira, gurasoekin batera, euren arteko partiduak jokatzeko. "200 pertsona inguru elkartzea espero dugu Ibarran", adierazi du Agurtzane Elkorok UDAko presidenteak.
15 sari banatuko dituzte
Herri-bazkaria 14:30ean izango da, Herriko Plazan, eta, bazkaltzeko 300 pertsona elkartuko dira. Bazkalondoren, 16:00etan sari banaketa ekitaldia egingo dute, eta, bertan, urteko sariak egongo dira, 15 sari, guztira. Bertan Idoia Elexpururen pintura koadroak (UDArentzat margotutako serie berezia) banatuko dituzte.
Eguna amaitzeko, berriz, Aretxabaletako Glutenbakuak –Julene Sarabia, Maialen Arrizabalaga, Miren Antxia eta Oihane Iturbe– musika taldearen kontzertu akustikoa izango da, 17:00etan, eguna musikarekin borobiltzeko.
Egitaraua
Elkartearen eguna ospatuko du UDAk:
- 10:00 Futbol eskolako kideen partiduak.
- 14:30 Bazkaria, Herriko Plazan.
- 16:00 Sari banaketa, Herriko Plazan.
- 17:00 Gluntenbakuak taldearen kontzertua, Herriko Plazan.
