Hona hemen egitaraua osorik:
- Ekainak 4, eguaztena
Kiki eta Koko pailazoak: Txondatatxondan dibertsioa eta jaia
Ikuskizun berriarekin musika eta dantza uztartuko dituzte pailazo ezagunek. Iralabarri plazan, 19:00etan.
- Ekainak 6, egubakoitza
Txulalai taldea: Txikifesta
Musika, dantzak eta jolasak uztartuko dituzte. Herriko plaza, 19:00etan.
- Ekainak 11, eguaztena
Txotxongiloak: Lagunekin baratzean
Bihar konpainiak neska-mutikoentzat emanaldia egingo du. Gipuzkoa plazan, 19:00etan.
- Ekainak 13, egubakoitza
Leizarra musika eskolako bandaren emanaldia
Errepertorioa osatu dute obertura klasikoekin, flautarako piezekin, bandarako obra entzutetsuekin eta soinu bandekin. Gainera, Beñat Arizabaleta abeslari aretxabaletarrak parte hartuko du. Komentuko lorategian, 19:00etan.
- Ekainak 18, eguaztena
Tor eta Txoborro magoak
XX. mende hasierako Freak Show-etan oinarritutako ikuskizuna sortu dute Tor eta Txoborro magoek eta izaki bitxi eta bereziz betetako saioa ekarriko dute. Magia eta umorea uztartu dituzte oraingoan ere, ikuslea harritzeko eta gozarazteko. Santakurtz plaza, 19:00etan.
- Ekainak 20, egubakoitza
Paul Casalen kontzertua
Paul Casal Kortabarria (Aretxabaleta, 1988), musikari, abeslari eta kanta sortzaileak hogei urteko ibilbidea du musikagintzan, eta proiektu erabat ezberdinetan murgilduta ibili da: Wood Strings, Drop, Scam… Orain bakarrik ekin dio bideari, gitarra akustikoak lagun eginda. Areantza auzoa, 19:00etan.