Elgetako bolatokian elkartu ziren bederatzigarren jardunaldia jokatzeko 66 jokalari. Eta irabazlea Oier Ugarteburu izan zen. Haren atzetik sailkatu ziren: bigarren, Eñaut Kortabarria aretxabaletarra (UDA); hirugarren, Garikoitz Rodriguez; laugarren, Bittor Astigarraga (Elgeta); bosgarren, Isana Gorosabel eskoriatzarra (UDA); eta seigarren, Jesus Mari Gorosabel arrasatearra (UDA).
Sailkapen orokorrei dagokienez, Eñaut Kortabarria zortzigarren dago; Isana Gorosabel lehenengo emakumeen artean; Gartzi Gorosabel eta Jesus Mari Gorosabel laugarren, bikoteka; eta UDA A hirugarren taldeen artean.
Datorren zapatuen azken jardunaldia jokatuko dute Leintz Gatzagan; 17:00etan izango da, bolatokian. UDAkoak gogotsu daude azken jardunaldirako: "Aukera asko ditugu sailkapen orokorretan emaitza onak lortzeko. Txapelketako lehen bolalekuak ez ziren oso aproposak guretako baina akabera ezin hobea gabiltza ematen txapelketari".