Getariako txakolina jatorriko sei upategitako uzta dastatzeko aukera izango dute herritarrek; horretarako, bost txartel eta kopa bat eskuratuko dituzte, bost euroren truke.
Kalean jarritako postuetan herriko hainbat ekoizleren produktuak ere izango dira dastatzeko eta erosteko: hanburgesak, gazta eta bestelako pintxoak, besteak beste.
Bien bitartean, Aretxabaletako eta Legazpiko konpartsek jardungo dute kalean, eta festa girotuko dute Imanol Intxausti eta Iñaki Larrea trikitilariek. Hain zuzen ere, Aretxabaletako erraldoiak lehenengoz izango dira kalean aretxabaletarrek gidatuta.