Eguraldi bikaina lagun, jende dezente batu da jaira. Askotariko aukerak izan dituzte bertan: jolasetan parte hartu, aurpegia margotu, puzgarrietan ibili, paella eta urdaiazpikoa jan, kamisetak erosi, informazioa jaso... Azken horren garrantzia azpimarratu gura izan dute antolatzaileek, herritarrek jai giroarekin bat egin eta elkarteari babesa adieraztetik harago, autismoa zer den ezagutu dezaten bilatzen dutelako. "Hainbat izan dira, zentzu horretan, interesa erakutsi dutenak, eta beste hainbatentzat lehen gerturatze bat izan da, gutxienez", adierazi du elkarteko presidente Deiane Madinabeitiak.
Batutako dirua elkarterako eta bertatik bideratzen dituzten ekintzetarako izango da.
