Realeko jokalari Maren Lezeta futbolari aretxabaletarrak Espainiako selekzioko 23 urtez azpiko taldearekin entrenatzen dihardu azken astean. Sonia Bermudez entrenatzaileak 24 jokalariko deialdia egin zuen martxo amaieran, nazioarteko azken lagunartekoak jokatzeko, eta aste honetan bi partida jokatuko dituzte Murtzian; lehenengoa Ingalaterraren aurka, eta bigarrena, Suedia edo Belgikaren kontra.
Lehen norgehiagoka ostegunean jokatuko da 19:00etan, Enrique Roca futbol zelaian, eta Ingalaterraren aurkako partiduko emaitzak esango du Espainiako selekzioak Suedia edo Belgika izango duen aurkari apirilaren 6an jokatuko den azken faseko bigarren partiduan.
