Partidu hasiera polita eman zioten UDAko pilotariek; Xabat aurrean bizi eta Unax atzean sendo. Hala, hainbat tanto egin zituzten erreskadan eta 9-1 jarri ziren aurretik, baita 16-2 ere. Ondoren, pilota aldaketak tarteko, beheralditxo bat izan zuen etxeko bikoteak, eta hutsegiteak iritsi ziren. Tolosakoak, ostera, hazten zihoazen. Partidua errematatzea kosta egin zitzaien Aretxabaletakoei baina lortu zuten 22-17 emanda bukaera.
"Ondo hasi gara, hutsegite gutxirekin eta kontzentratuta. Baina gero pilotak aldatu egin dira eta hutsegiteak etorri. Eskerrak buelta eman diogun horri", adierazi zuten amaitutakoan.
Gonzalezek eta Otazuak aurtengo denboraldian osatu dute bikote eta gustura jardun dute elkarrekin Udaberria Saria txapelketan. Orain, eskuz banakako txapelketak dituzte aurrez aurre: Lau eta erdikoa eta Debarrokoa.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!