Egun bakarrean egingo dute Ixadebalde merkealdien azoka Aretxarte merkatarien elkarteko kideek. Egubakoitzean, Herriko Plazaren beheko partean, Durana kalean jarriko dituzte postuak –eguraldi kaskarra egonez gero saltoki barruan–, 10:00etatik 19:00etara bitartean. Zazpi dendak egin dute bat aurtengo lehenengo azokarekin; honako hauek: Tinta Beltza, Asensio, Kilima, Hankabeltz, Belar Meta, Tak eta Almila Shop.
Arropak eta gehiago
Udazken eta neguko produktuak aterako dituzte kalera gehienek, eta prezio merkeagoan jarri herritarren eskura, besteak beste, oinetakoak, arropak eta osagarriak. Horiez gain, eskolarako materiala ere egongo da, baita jatekoa eta edatekoa ere produktu iberikoak dituen urdaitegiak.
Gainera, gaur, erosketak egiten dituzten herritarren artean 50 euroko sei bonu zozketatuko dituzte Aretxarteko kideek, bezeroak eskertze aldera.
