Aldapeko Basque Latin Jazz proiektuaren bueltan hainbat jatorritako musikariak elkartu ziren 2019an, eta Imanol Iribarren piano-jolea da buru. Taldea sendotuta, eta musikari garrantzitsuen kolaborazioekin –besteak beste, Xabi Solano, Asier Gozategi, Ines Osinaga eta Thierry Biscary–, dagoeneko hiru disko kaleratu dituzte: Iribarrenetik (2021), Irigoienetik (2024) eta Plazara (2024).
"Kantua, erritmoa, inprobisazioa, birtuosismoa, lehenaren eta orainaren arteko fusioa dakar Aldapekok; menditik hasi eta aldapa jaitsita herriko plazan dantzan amaitzen den bizipena", adierazi dute taldekideek.
