Kobaz Koba Trail lasterketa egin zuten atzo Zestoan, eta korrikalariek 16 kilometroko Artzei Bidea edo 26 kilometroko Zaldei Bidea egin behar izan zituzten. Ainara Urrutia aretxabaletarrak Artzei Bidean hartu zuen parte, eta helmugara iritsi zen lehen emakumea izan zen 1:33:05eko denborarekin, sailkapen orokorrean, 34.a izan zen. Lorpenarekin aurreko hiru urteetako txapeldunaren titulua berretsi zuen. Emakumezkoetan bere atzetik sartu ziren Ane Elzaurdia (01:33:54) eta Irati Larrañaga (01:34:26).
Gizonezkoetan, berriz, Mikel Arriola izan zen azkarrena (01:17:14), eta alderik gabe sartu zen helmugara bigarrena izan zen Joxe Errasti (01:17:17). Hirugarren sailkatu zen Ibai Angulo (01:18:27).
Zaldei Bidean, Iraitz Legoburuk (02:14:39), Paul Ormaetxeak (02:16:49) eta Beñat Ibañezek (02:16:58) osatu zuten sailkapena; emakumezkoetan, Eneritz Aramendik (02:58:12), Naroa Uriak (03:01:20) eta Tanit Perezek (03:12:41).
