Euskara indarberritzeko eta euskaldunak ahalduntzeko AROA plana garatzen hasi da Aretxabaletako Udala, Elhuyarren gidaritzapean. Lehen saioa abenduaren 3an egin zuten, eta bigarrena deitu dute; eguaztenean izango da, 18:00etatik 20:00etara bitartean, Arkupen.
Lehenengo lan-saioan hamazazpi lagunek hartu zuten parte, eta euskara indarberritzeko eta euskaldunok ahalduntzeko ekintza-planaren nondik norakoen berri eman zieten Elhuyarreko dinamizatzaileek. Behin hori eginda, diagnostikoaren aurkezpena egin zuten, ekarpenak jaso eta aurrera begirako erronkak identifikatu.
Eguazteneko saioan, orain arte jasotako ideiak, lan-ildoak eta erronkak berreskuratuko dituzte, eta horiei forma emango diete, ekintzetara eroanda. Udalak adierazi du herritarren ekarpenak ezinbestekoak direla lanketa horretan, eta, horregatik, bigarren saio horretan parte hartzera gonbidatu ditu
