Agurtzane Intxaurragak zuzendutako lana amatasunaren, zaintzaren eta maitasunaren gaineko tragikomedia absurdoa da, eta Miren Gaztañaga, Iñake Irastorza eta Jabi Barandiaranek taularatuko dute. Lanaren gainean zera azaldu du Intxaurragak: "Amaren gaia zilbor heste luzea da, kilometrikoa, sekula egunerokotasunik galtzen ez duen gaia. Esaerak dio, gainera, ama bakarra dela munduan, baina nik ama bakoitza mundu bat dela pentsatu nuen paper zuriaren aurrean jarri nintzenean".
Domekan, 19:30ean, ostera, basoan galdutako bi neska-mutikoren "benetako istorioa" kontatuko du Ortzai antzerki taldeak Hansel y Gretel lanean; gazteleraz izango da. Bi ikuskizunetarako sarrerak aurrez eros daitezke 6 eurotan, baita egunean bertan ere leihatilan.
