Egunari hasiera emango diote bola-txapelketa jokatuta. 11:30ean izango da hori bolatokian –3 euro ordainduta–, baina ordubete lehenago irekiko dute berotzen hasi ahal izateko.
Ondoren, 15:00ak bueltan, bazkaltzera joango dira Taberna Berrira. Menua honakoa izango da: patatak errioxar erara, okela gisatua eta postrea –aukeratzeko–; baita kafea eta edariak ere. Menu berezia gura dutenek, zeliakoek eta beganoek, aldez aurretik jakinarazi beharko dute.
Iluntzean, 19:00etan Zaraia tabernatik abiatuta, Kanutoren omenezko kalejira egingo dute Orkresta Elektrotuna taldearekin. Kontzertuak izango dira gero, herriko tabernetan; Oihu eta Akulu taldeek jardungo dute gaua girotzen, baita hainbat DJk ere.