Ridley Scott zuzendari ospetsuaren Gladiator II filmak (Estatu Batuak, 2024, 147 min.) Antzinako Erroman girotutako istorioa dakar Paul Mescal, Pedro Pascal eta Denzel Washington aktore ezagunak protagonista dituela. Gladiator filmari jarraituz gerra kontuak, botere-nahia eta mendekua ditu ardatz.
Jurado nº2 filmak (Estatu Batuak, 2024, 113 min.) beste zuzendari ospetsu bat du atzean Clint Eastwood eta Nicholas Hoult, Toni Collette, J. K. Simmons eta Kiefer Sutherland aktoreak protagonista. Hilketa bateko epaimahaiko kide baten istorioa jaso du, biktimaren heriotzarekin zerikusia izan dezakeen kide batena hain zuzen ere.
Jacques Audiard zuzendariaren Emilia Perez filma (Frantzia, 2024, 132 min.), ostera,
thriller musikala da. Karla Sofia Gascon, Zoe Saldana, Selena Gomez eta Adriana Paz dira aktore nagusiak eta Rita abokatuaren istorioa dakarte; kartel-buru bati bere negoziotik erretiratzen lagunduko dio horrek, emakume bilakatuta.
Helduen filmak ikusteko sarreren prezioa 5 euro da; astelehenetako 16:00etako emanaldiena, ostera, 3 euro. Umeendako sarrerak ere 3 euro dira.
Sarrera guztiak online eros daitezke.
