Abenduaren 20ra bitartean egon da martxan Aretxabaletako erakusleiho lehiaketa, eta parte hartzeko nahikoa izan da erakusleihoa apaintzea. Erakusleiho onena aukeratzerako orduan kontuan hartu dituzte, besteak beste, erakusleihoaren kalitatea, publizitate mezuaren imajinazioa, originaltasunja, eraginkortasuna eta argien erabilera.
Gaur goizean banatu dituzte sariak udal ordezkariek. Lehen saria, epaimahaiak hala erabakia, Kilima umeen arropa dendarendako izan da, eta 300 euroko bonoa nahiz plaka bat jaso ditu.
Bigarren saria, berriz, herritarrek erabakita, Belar Meta arropa dendarendako izan da eta 150 euroko bonoarekin saritu dute.
