Arkupeko Zaraia aretoko ateak zabaldu zituen Udalak atzo gauean lehiaketaren finala pantaila handian eta lagunez inguratuta ikusteko. Eta Arizabaletaren kuadrillak ez zuen hutsik egin; han elkartu zen, beste hainbat herritarrekin batera. Gertutik jarraitu zuten haren lana.
Abeslari aretxabaletarrak ez zuen sari nagusia eskuratzerik izan baina oso pozik dago saioan izan duen ibilbidearekin eta hari esker lortutakoarekin. Horren erakusgarri da gaur sare sozialetan partekatu duen mezua:
"Amaittu da Ztanda saiua. Atzoko finala Zo Ra Ga Rri Xa izen zan. Enittun 15.000 euruak Atxabaltara ekarri, baina argi dauket: Nik be irabazi dot! Irabazi dot txikitako Beñat irribarretsu dauelako lortu douen dana ikusten. Irabazi dot izugarrizko eboluziñua euki ahal izen dotelako eta asko ikasi dotelako. Ta irabazi dot jende ezin hobia ezagutu dotelako bidien. Arima, Leila, Jon, Jür: ez dakitzue zenbat dauketen zuei eskertzeko. Kidiak baino gehixau izen zarie, hor egon zarie biher izen dotenetan. Lagunak bihurtu zarie, galdu nahi ez dittudanak. Opari bat izen da zuek ezautzeko eta zuekin oholtza partekatzeko aukeria eukittia. Ikaragarri handixak zarie ta! Beste 8 lehiakidiei be eskerrak! Zuek be ezinbestekuak izen zarie niretzat, danok emun duztezuelako zerbaitx, barruan gordekotena 12xoi: Onenak zarie! Ez dakitzue zenbat maitte zaittuztedan!
Paula ta Adriri: Ez daukot hitzik esan nahiko notzuen dana esateko. Nigan izugarrizko konfiantza eta erronkak jarri gura izen dittuzue eta jo, ohore bat izen da niretzat zuekin lan in ahal izetia. Konfiantza hori itzultzen saiatu naz. Zalantza barik, euki doten eboluziñuan parte handi bat zuei esker izen da. Eskerrik asko bihotz-bihotzez!
Epaimahaikidiei eta aurkezliei: eskerrik asko astero zuen hitz politxekin (eta ez hain politxekin) nire garapenerako klabe bihurtziagatik! Zuen energiakin gure goguak kutsatziagatik! Eskerrik asko, batez be, kamara atzetik gertatutako momentuengatxik!
Dantzarixej: La hostia zarie! Zelako plazerra izen dan zuekin bat ittia, astero zuekin konektetia! Eskerrik asko zuen babesagatik, benetan!
Gainerako lantaldiai eta zuzendarixai. Ainhoa, eskerrik asko nigan nik neuk ikusten ez nauen zerbaitx ikustiagatik!
Lagun eta familixai, beti hor egotiagatik, nirekin batera hau bizitzen!
Ztanda, opari eta amets bat izen zara!
Hurrengo geralekua: Beñat proiektua!"
