Urtarrilaren 2an eta 3an Gabonetako parkea izango da Ibarra kiroldegian. Eskulanak egiteko saioak, puzgarriak eta beste hainbat jolas egongo dira umeendako eta gaztetxoendako. Ordurako, zaintzaile eta laguntzaile lanak egiteko begiraleak behar dituzte eta izena emateko epea zabalik dago egubakoitza arte.
Begiraleen egin beharrak izango dira eskulan tailerrak antolatu, puzgarrietarako txandak eta zainketa antolatu, sarrerak saldu eta parkea garbi mantentzea. Eta bi egun horietako ordutegia da 11:00etatik 13:00etara eta 17:00etatik 20:00etara.
Ezinbestekoa izango da 18 urte beteta izatea eta euskaraz hitz egiten ondo jakitea.
Izena emateko epea zabalik dago abenduaren 13a arte eta curriculumak honako helbidera bidali behar dira: gazteria@aretxabaleta.eus.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
